შიდსთან, ტუბერკულოზსა და მალარიასთან ბრძოლის გლობალური ფონდის პროექტების სახელმწიფო საკოორდინაციო საბჭო გაცნობებთ, რომ შიდსთან, ტუბერკულოზსა და მალარიასთან ბრძოლის გლობალურმა ფონდმა გამოაცხადა არსებული პროგრამების გაგრძელების თაობაზე განაცხადთა მიღება. კერძოდ კი, საქართველო მოწვეულია გლობალური ფონდის მე-4 რაუნდის გრანტის “DOTS სტრატეგიის განხორციელების სრულყოფა საქართველოში” გრანტის გასაგრძელებლად განაცხადის წარსადგენად. შესაბამისად მოვუწოდებთ აღნიშნული გრანტის საშუალებით დაფინანსებული პროექტების განმახორციელებელ ორგანიზაციებს და არა მარტო მათ (ტუბერკულოზის პრობლემებზე მომუშავე სხვა სამთავრობო, არასამთავრობო და საზოგადოებრივ ორგანიზაციებს) სახელმწიფო საკოორდინაციო საბჭოში განსახილველად წარმოადგინონ თავიანთი წინადადებები აღნიშნულ პროექტთან დაკავშირებით.
წინადადებების წარმოდგენისას გთხოვთ გაითვალისწინოთ რომ საკოორდინაციო საბჭოს მიერ წარდგენილი პროექტი არ უნდა იყოს თვისობრივად ახალი, არამედ მიმდინარე “DOTS სტრატეგიის განხორციელების სრულყოფა საქართველოში” გრანტის გაგრძელება, თუმცა შესაძლებელია არსებული პროგრამების გაფართოება როგორც გეოგრაფიული ასევე სამიზნე პოპულაციის მოცვის თვალსაზრისითაც.
იმ შემთხვევაში თუ წარმოდგენილი წინადადებები საგულისყურო იქნება და წარმოაჩენს დასახული მიზნების მიღწევისათვის საჭირო ეფექტურ გზებს, საბჭოს სხდომის გადაწყვეტილებით, შესაძლებელია გახდეს გლობალური ფონდში წარსადგენი განაცხადების შემადგენელი ნაწილი.
დაწვრილებითი ინფორმაციისთვის იხილეთ შიდსთან, ტუბერკულოზსა და მალარიასთან ბრძოლის გლობალური ფონდის სათაო ოფისის ინტერნეტ-გვერდი.
პროექტის განაცხადის შეტანა უნდა მოხდეს სახელმწიფო საკოორდინაციო საბჭოს სამდივნოში.
პროექტის წარდგენის ბოლო ვადა 18/06/09, 19:00-მდე.
გლობალური ფონდის სათაო ოფისის ინტერნეტ-გვერდის მისამართი: www.theglobalfund.org
სახელმწიფო საკოორდინაციო საბჭოს სამდივნოს მისამართი: პეკინის ქ. N30; შრომის, ჯანმრთელობისა და სოციალური დაცვის სამინისტრო, მე-4 სართული, ოთახი 401.
შიდსთან, ტუბერკულოზსა და მალარიასთან ბრძოლის გლობალური ფონდის სახელმწიფო საკოორდინაციო საბჭო
2009.05.28
