ფონდი "ღია საზოგადოება - საქართველო" აცხადებს კონკურსს 2009 წლის ზალცბურგის სამედიცინო სემინარებში მონაწილეობის მისაღებად:
კარდიოქირურგია (Cardiac Surgery) - 30 აგვისტო - 5 სექტემბერი, 2009
ნეონატოლოგია (Neonatology) - 6 -12 სექტემბერი, 2009
სარეაბილიტაციო მედიცინა (Rehabilitation Medicine) - 13 -19 სექტემბერი, 2009
ულტრაბგერითი დიაგნოსტიკა (Diagnostic Imaging) - 20 - 26 სექტემბერი, 2009
ონკოლოგია (Oncology) - 7 სექტემბერი - 3 ოქტომბერი, 2009
ფსიქიატრია (Psychiatry) – 11 - 17 ოქტომბერი , 2009
დერმატოლოგია (Dermatology) - 18 - 24 ოქტომბერი , 2009
კარდიოექოსკოპია (Cardiac Imaging) – 15 - 21 ნოემბერი, 2009
ქირურგია (Surgery) - 29 ნოემბერი - 5 დეკემბერი, 2009
ძვალ-სახსროვანი ქირურგია (Bone and Joint Surgery) - 6 - 12 დეკემბერი, 2009
პედიატრიული უროლოგია (Pediatric Urology) - 13 - 19 დეკემბერი, 2009
საგანაცხადო ფორმები უნდა შეივსოს 2009 წლის 31 მაისამდე ელექტრონულად შემდეგ მისამართზე: http://www.aaf-online.org/smsi_09.html
პროგრამის შესახებ დამატებითი ინფორმაცია იხ. მისამართზე: http://www.aaf-online.org
იმის გამო, რომ საქართველოში არსებული არცერთი საელჩო არ გასცემს შენგენ ვიზას ავსტრიიდან მიღებული მოწვევის საფუძველზე, სემინარის მონაწილეებმა თვითონ უნდა უზრუნველყონ ვიზის საკითხის მოგვარება.
სემინარში მონაწილეობის მსურველ ექიმებს:
სპეციალიზაცია გავლილი უნდა ჰქონდეთ სემინარის საგანში;
უნდა ჰქონდეთ ამ სფეროში მუშაობის გამოცდილება;
სემინარში პირველად მონაწილეობისას უნდა იყვნენ 30 დან 45 წლამდე ასაკის, ხოლო განმეორებითი მონაწილეობის შემთხვევაში 50 წლამდე ასაკის;
სავალდებულოა ინგლისური ენის სრულყოფილად ცოდნა (ინგლისურ ენაში ჩატარდება ტესტირება)!
კონკურსში მონაწილეობის მსურველთათვის ჯგუფური კონსულტაცია გაიმართება 2009 წლის 15 მაისს 17 საათზე ფონდის ოფისში ქ. თბილისი, ჭოველიძის ქ. 10ა. ტელ: 25 04 63; 25 05 92;
საკონტაქტო პირი: ლიკა გიორგაძე (პროგრამის კოორდინატორი) lgiorgadze@osgf.ge
საზოგადოებრივი ჯანმრთელობის მიმართულება
პროგრამის გენერალური პარტნიორები: ამერიკულ-ავსტრიული ფონდი და ღია სამედიცინო ინსტიტუტი
ზალცბურგის სამედიცინო სემინარები ამერიკულ-ავსტრიული ფონდის ინიციატივაა, რომელსაც მსოფლიოს 109 ქვეყანასა და რეგიონში მართავს "ღია სამედიცინო ინსტიტუტი”. პროგრამის მისიაა გააუმჯობესოს ჯანდაცვის სფერო განვითარებად ქვეყნებში, მსოფლიოს მასშტაბით შექმნას ალიანსი ექიმებს შორის და ამ გზით ხელი შეუწყოს კოლეგებს განათლებასა და პროფესიულ ზრდაში. ზალცბურგის სასწავლო პროგრამა 1993 წლიდან მოქმედებს და ყოველწლიურად, საქართველოს მასშტაბით 30-მდე ექიმი იღებს მასში მონაწილეობას. პროგრამაში მონაწილეობა უფასოა და წარმოადგენს სამსაფეხურიან საგანმანათლებლო ციკლს: ცოდნის გადაცემა (სემინარები) - გამოცდილებების გაცვლა (ინტერნშიფი) - დისტანციური სწავლება (ღია სამედიცინო კლუბები, ელექტრონული ბიბლიოთეკა და მასალები, სატელიტური სიმპოზიუმები).
ფონდი "ღია საზოგადოება - საქართველო"
2009.05.05
