logo
GE 
    ოფიციალური ინფორმაცია
ჯანდაცვის სისტემა
ჯანდაცვის რეფორმა
საერთაშორისო აქტები
სამედიცინო ეთიკა
განათლება და მეცნიერება
გაიდლაინები
პროგრამები
სტანდარტები
სტატისტიკა
ორგანიზაციები
    სამედიცინო მომსახურება
სასწრაფო დახმარება
ჰოსპიტლები
დიაგნოსტიკა-მკურნალობა
მეანობა-გინეკოლოგია
ჯანმრთელობა და სილამაზე
სტომატოლოგია
ლაბორატორიები, სისხლის კომპონენტები
სპეციალისტები
სამედიცინო ცნობარი
პირველი დახმარება
პროფილაქტიკა
ლაბორატორიული გამოკვლევები 
ცხოვრების ჯანსაღი წესი
მედიცინის ისტორია
მედიცინა და რელიგია
არჩილ შენგელიას სამედიცინო ენციკლოპედია
ტერმინები და განმარტებები


    საქართველო ხდება ვირუსული ჰეპატიტების ელიმინაციის გლობალური მოძრაობის ლიდერი

სან პაულუში, ბრაზილიაში გამართულ ჰეპატიტების მსოფლიო სამიტზე [1-3 ნოემებერი], საქართველოს მიენიჭა ევროპის რეგიონის NOhep Visionary-ის ტიტული.

საქართველო შეუერთდა ხუთ ქვეყანას, როგორიცაა ბრაზილია, ბანგლადეში, ეგვიპტე, გამბია და მონღოლეთი, რომლებთან ერთადაც განახორციელებს NOhep Visionary პროგრამას მსოფლიოში.

საქართველო და აღნიშნული ქვეყნები შეირჩნენ იმ პრინციპით, რომ ჩვენ აღებული გვაქვს ვირუსული ჰეპატიტის ელიმინაციის პასუხისმგებლობა და მოგვენიჭა უფლება, წარვუძღვეთ პროგრამას და მოტივაცია შევუქმნათ სხვა ქვეყნებს მათაც განახორციელონ ქმედებები ჰეპატიტის ელიმინაციის მიზნის მისაღწევად. *

NOhep Visionaries პროგრამა წარმოადგენს გლობალურ კამპანიას, რომელიც ეხმარება მთავრობებს გამოიყენონ ელიმინაციის ეფექტური მიდგომები და გააზიარონ ცოდნა 2030 წლისათვის ვირუსული ჰეპატიტების ელიმინაციის პროგრესის დაჩქარების მიზნით.  

საქართველო C ჰეპატიტის (HCV) ერთერთი ყველაზე მაღალი გავრცელების მქონე ქვეყნაა მსოფლიოში. დაავადებათა კონტროლისა და საზოგადოებრივი ჯანმრთელობის ეროვნული ცენტრის (NCDC) და აშშ-ის დაავადებათა კონტროლისა და პრევენციის ცენტრების (CDC) მიერ 2015 წელს ჩატარებული პოპულაციური კვლევის მიხედვით, C ჰეპატიტის სეროპრევალენტობამ საქართველოში შეადგინა 7.7%, ხოლო აქტიური ინფექციის პრევალენტობამ 5.4%, რაც გულისხმობს, რომ საქართველოში საშუალოდ 150 000 ადამიანს აქტიური ინფექცია აქვს.

2015 წელს, საქართველო გახდა პირველი ქვეყანა ჯანმრთელობის მსოფლიო ორგანიზაციის (ჯანმო) ევროპულ რეგიონში, რომელმაც მიზნად დაისახა C ჰეპატიტის, როგორც საზოგადოებრივი ჯანმრთელობის საფრთხის, ელიმინაცია. ორი წლის შემდგომ, პროგრამის ფარგლებში 32 000 ადამიანი წარმატებით განიკურნა.

საქართველომ ასევე შეიმუშავა დაავადების ელიმინაციის 2016-2020 გრძელვადიანი სტრატეგია ამბიციური მიზნით 2020 წლისათვის ჩაუტაროს სკრინინგი და მკურნალობა ყველა ინფიცირებულ პირს და მოახდინოს ინფექციის ელიმინაცია ქვეყანაში. სტრატეგია გახდა მონიტორინგისა და ზედამხედველობის, ინფექციაზე კონტროლის, პრევენციისა და ცნობიერების გაზრდის პროგრამების გაუმჯობესების მამოძრავაბელი ფაქტორი ქვეყანაში. სტრატეგიის ფარგლებში ასევე მოხდა ქვეყნის მასშტაბით C ჰეპატიტზე სკრინინგის, დიაგნოსტიკისა და მკურნალობის ხელმისაწვდომობის გაზრდა.

პროგრამის დაწყებიდან დღემდე 1.2 მილიონ ადამინს ჩაუტარდა სკრინინგი C ჰეპატიტზე. 40 000 პაციენტი დარეგისტრირდა მკურნალობის პროგრმაში და
ჩაუტარდა მკურნალობა ახალი ანტივირუსული მედიკამენტებით, რომელთაგანაც 32 000-მა უკვე წარმატებით დაასრულა მკურნალობა (განკურნების საშუალო მაჩვენებელი 95%). დღეისათვის სკრინინგი უფასოდ ხორციელდება ქვეყნის მასშტაბით.

ფართომასშტაბიანი აქტივობები ხორციელდება რისკის ჯგუფების წარმომადგენელთა, მთავარი სამიზნე პოპულაციების (მ.შ. 30-60 წლის მამაკაცები, ნარკოტიკების ინტრავენურად მომხმარებლები, სისხლის დონორები, პატიმრები, აივ ინფიცირებულები, დიალიზზე მყოფი და ჰემოფილიის მქონე პაციენტები) სამედიცინო პერსონალის, ყველა ჰოსპიტალიზებული ადამიანისა და ორსულთა სკრინინგისათვის.

„ჩვენ მოხარულები ვართ ვიხილოთ საქართველო როგორც NOhep Visionary პროგრამის ევროპული რეგიონის პირველი წარმომადგენელი.“ განაცხადა ჩარლზ გორმა, პაციენტთა გლობალური ორგანიზაცია ჰეპატიტის მსოფლიო ალიანსის, პრეზიდენტმა.

„ეს არის ის, რაც ჩვენ დღეს ნამდვილად გვჭირდება – ელიმინაციის ჩემპიონმა ქვეყნებმა თქვან ‘დიახ, ჩვენ შეგვიძლია გავაკეთოთ ეს და აი როგორ’ “. ჩვენ ვიმედოვნებთ, რომ საქართველო გახდება სხვა ქვეყნებისთვისაც შთაგონების წყარო გაავრცელონ მტკიცე პოლიტიკური მხარდაჭერა და სწრაფად განახორციელონ საჭირო ქმედებები 2030 წლისათვის ვირუსული ჰეპატიტების ელიმინაციის მიზნით.“ დასძინა მან.

სამიტზე ბატონმა ამირან გამყრელიძემ (NCDC-ის გენერალური დირექტორი) განაცხადა

“2015 წლიდან საქართველო ახორციელებს საზოგადოებრივი ჯანმრთელობის უმნიშვნელოვანეს პროექტს ქვეყანაში C ჰეპატიტის ელიმინაციის მიზნით.
გვაქვს პატივი, ამ მიმართულებით უკვე გაწეული უდიდესი შრომის გამო, როგორც C ჰეპატიტის ელიმინაციის სამოდელო ქვეყანა, შევუერთდეთ გლობალურ NOhep მოძრაობას და წარვუძღვეთ NOhep Visionary პროგრამას ევროპის რეგიონსა და მსოფლიოში.”

NOhep Visionaries პროგრამა წარმოადგენს NOhep გლობალური მოძრაობის ნაწილს, რომელიც 2016 წელს წამოიწყო ჰეპატიტის მსოფლიო ალიანსმა 2030 წლისათვის ვირუსული ჰეპატიტების ელიმინაციის მიზნით. NOhep’s ფუნდამენტურ მიზანს წარმოადგენს ჯანმოს ჰეპატიტების გლობალური სტრატეგიის მხარდაჭერა, რომელიც ითვალისწინებს 2030 წლისათვის B და C ჰეპატიტის ახალი შემთხვევების 90%-ით და სიკვდილობის 65%-ით შემცირებას.

NOhep ღიაა ყველა ინდივიდის, ორგანიზაციისა თუ მთავრობისათვის, რომელიც მიზნად ისახავს ჰეპატიტების ელიმინაციას მსოფლიოში. მეტი ინფორმაციისათვის იხილეთ ვებგვერდი www.NOhep.org

NOhep Visionaries-ს პროგრამის განმახორციელბლები შეირჩნენ ჰეპატიტის მსოფლიო ალიანსის მიერ ჯანმოსთან კოლაბორაციით მათ მიერ ვირუსული ჰეპატიტების ელიმინაციაზე აღებული პასუხისმგებლობისა და განხორციელებული აქტივობების გათვალისწინებით. პროგრამა ღიაა ყველა ქვეყნის მთავრობისათვის.

 

http://ncdc.ge

2017.11.03


ადამიანის უფლებები პაციენტთა მზრუნველობის სფეროში
ინტერნეტ მარკეტი
 დიეტები
 კოსმეტოლოგია
  წყალი
  მასაჟი
  სტომატოლოგია
  სქესობრივი ცხოვრება
  დასვენება, ტურიზმი, ჯანმრთელობა
  ბავშვი
  ორსულობა, გინეკოლოგია, რეპროდუქციული ჯანმრთელობა
  კოლოპროქტოლოგია
  შეკრულობა
  უროლოგია
 რა უნდა ვიცოდეთ დიარეის შესახებ
 ჯილეხი
 ეპილეფსია
 ადამიანის გენომი
 ადამიანის რეპროდუქცია
 ალერგია
 არტერიული ჰიპერტენზია
 გრიპი და სხვა რესპირატორული დაავადებები
 ვენების ვარიკოზული დაავადება
 ვირუსული ჰეპატიტი
 ვიტამინები
 იმუნიზაცია და ვაქცინაცია
 კომპიუტერი და ჯანმრთელობა
 მალარია
 ოსტეოპოროზი
 საკვებით და წყლით გადაცემადი ინფექციები
 სქესობრივი გზით გადამდები დაავადებები
 ტკივილი გულის არეში
 ფრინველის გრიპი
 შაქრიანი დიაბეტი
 შიდსი
 ჯანსაღი კბილები
 ჯანსაღი კვება
 ჰიპერჰიდროზი - ჭარბი ოფლიანობა

დააფიქსირეთ თქვენი აზრი ...

მოგწონთ თუ არა ”მედპორტალი”?

   ***  1505 "სამინისტროს ცხელი ხაზი"    ***   2 398018 "შიდსი - ცხელი ხაზი"    ***  2 911926 "ტუბერკულოზის ეროვნული ცენტრის ცხელი ხაზი"    ***  2 103003 "პაციენტის ცხელი ხაზი"    ***  2 103003 "ჯანდაცვის ომბუდსმენი"    ***  2 960505, 2 921000 "ნდობის ტელეფონი"    ***  2 941208 "ნარკოლოგიური დახმარების საკონსულტაციო ცხელი ხაზი"

საავტორო უფლებები დაცულია © პარტნიორები ჯანმრთელობისათვის (PfH) , ჯმნც (NHMC)
თბილისი, 2006