logo
GE 
    ოფიციალური ინფორმაცია
ჯანდაცვის სისტემა
ჯანდაცვის რეფორმა
საერთაშორისო აქტები
სამედიცინო ეთიკა
განათლება და მეცნიერება
გაიდლაინები
პროგრამები
სტანდარტები
სტატისტიკა
ორგანიზაციები
    სამედიცინო მომსახურება
სასწრაფო დახმარება
ჰოსპიტლები
დიაგნოსტიკა-მკურნალობა
მეანობა-გინეკოლოგია
ჯანმრთელობა და სილამაზე
სტომატოლოგია
ლაბორატორიები, სისხლის კომპონენტები
სპეციალისტები
სამედიცინო ცნობარი
პირველი დახმარება
პროფილაქტიკა
ლაბორატორიული გამოკვლევები 
ცხოვრების ჯანსაღი წესი
მედიცინის ისტორია
მედიცინა და რელიგია
არჩილ შენგელიას სამედიცინო ენციკლოპედია
ტერმინები და განმარტებები


    დიეტა ასაკის მიხედვით

მსოფლიოში 30 000-მდე დიეტა არის ცნობილი, თუმცა ეს მრავალფეროვნება წარმატების გარანტიას მაინც არ იძლევა. საიდუმლოების გასაღები კი მარტივია - დიეტა, როგორც გარდერობი, უნდა შევარჩიოთ ასაკის გათვალისწინებით.

მხიარული ოციანი წლები
სტრატეგიული გეგმა: თქვენი კალორიების ნორმაა - 2000 კალ დღეში. ძლიერი მეტაბოლიზმის წყალობით წონის დაკარგვა ძნელი არ არის, მაგრამ არ უნდა დაგვავიწყდეს, რომ ის ასევე სწრაფად აღდგება. ჰორმონული ფონის, ისევე როგორც ჩონჩხის, ფორმირება ბოლომდე არ არის დასრულებული, ამიტომაც ორგანიზმი საჭიროებს საკვები ნივთიერებების, ვიტამინებისა და მიკროელემენტების ფართე სპექტრს. ამიტომაც 20 წლის ასაკში საჭირო არ არის მონოდიეტა (საკვები რაციონიდან მთელი რიგი პროდუქტების ამოღება), დასაშვებია მხოლოდ კვირაში ერთდღიანი შეზღუდვა.
ვაძლიერებთ დაცვას: ამ პერიოდში პრობლემად ითვლება რკინის ნაკლებობა. ეს ნიშნავს, რომ მენიუში აუცილებლად უნდა იქნას შეტანილი ამ მიკროელემენტის შემცველი პროდუქტები: ღორის ღვიძლი, საქონლის თირკმელები, გული, კვერცხის გული, ნიგოზი, სატაცური, ლოკოკინა.
ქალებისათვის აუცილებელია ორსულობისა და მშობიარობისათვის მომზადება, ამიტომაც ორგანიზმში საკმარისი რაოდენობით უნდა იყოს ფოლიუმის მჟავა, რომელიც ჭარბადაა ბარდისებრ კულტურებში მაგ. ლობიოში.
ტაქტიკა კარგი აღნაგობის მისაღწევად: აუცილებლად შეიტანეთ რაციონში 100 გრ უცხიმო ხორცი. ეს პროდუქტი მშვენივრად უხდება რკინის შემცველ საუკეთესო დიეტურ პროდუქტს - წიწიბურას. არ დაგავიწყდეთ სწორად აირჩიოთ ცხიმოვანი მჟავეები, მაგ. ომეგა-3 ცხიმოვანი მჟავების შემცველი პროდუქტები, როგორიცაა ზღვის თევზი, ვირთევზას ღვიძლი (იგი ასევე შეიცავს А ვიტამინს) და სელის თესლი, რომელიც შეგვიძლია გამოვიყენოთ, როგორც ყოველდღიური ბიო-დანამატი ზეთის ან მშრალი თესლის სახით.
ფარული იარაღი: ვაშლი. ვაშლის განტირთვის დღეები საოცრებას ახდენენ: მინუს ორი კგ - ყოველგვარი დატვირთვის გარეშე.

ოცდაათს პლიუს...
სტრატეგიული გეგმა: თქვენ იკვებებით ჩვეულებრივად, მაგრამ ამჩნევთ, რომ კილოგრამები ბევრად უფრო სწრაფად გემატებათ, მათი დაკლება კი სირთულეებთან არის დაკავშირებული. ეს მიუთითებს იმაზე, რომ ბუნებრივი მეტაბოლიზმის სისწრაფე შენელდა, ე. ი უნდა გადავხედოთ რაციონს.
ვაძლიერებთ დაცვას: С და D ვიტამინები და თუთია - თქვენი ჯანმრთელობის საწინდარია. პირველი ეძიეთ ციტრუსებში. მიეჩვიეთ, ნებისმიერი კერძი შეზავებას ცოცხალი ლიმონის წვენით, ამით პირველ რიგში გადაჭრით ვიტამინიზაციის პრობლემას. D ვიტამინის მიღება შეგიძლიათ ცხიმიანი თევზის, მწყერის კვერცხისა და რძის პროდუქტების დახმარებით. Е ვიტამინს მიიღებთ ცივი გამოხდის მცენარეული ზეთების (განსაკუთრებით, ზეითუნის, სელის, ნუშის ზეთების) მიღებით. თუთიას, რომელიც მნიშვნელოვანია იმუნური სისტემის ნორმალური მუშაობისათვის, დიდი რაოდენობით შეიცავს ქატო, ზღვის პროდუქტები, რძე, ღორისა და საქონლის ხორცი, ასევე ბურღულეული.
ტაქტიკა კარგი აღნაგობის მისაღწევად: ცხიმების შეზღუდვა - ეს არის თქვენი პრიორიტეტი უახლოეს ათწლეულში. მოაცილეთ ხორცს ცხიმი, სანამ სადილის მომზადებას შეუდგებით, ეცადეთ, უარი თქვათ ყველის იმ სორტებზე, რომელიც შედარებით ცხიმიანია და მკვრივია, ასევე კარაქზე, მარგარინზე და მზა ხორცპროდუქტებზე. ეცადეთ, რომ მიღებული ცხიმების დღიური დოზა არ აღემატებოდეს 50 გრ-ს. იდეალურად ითვლება ხმელთაშუაზღვისპირეთის დიეტა - ბოსტნეული, თევზი, ზღვის პროდუქტები, მარცვლეული კულტურები (ხორბლის მკვრივი ჯიშებისაგან დამზადებული პასტა, ქატოს შემცველი პური); დესერტად მხოლოდ ხილი და კენკრა.
ფარული იარაღი: ღამის შიმშილი. თუ თქვენ 30 წელს ხართ გადაცილებული აკრძალეთ გვიან ღამით საკვების მიღება. იდეალში, არ უნდა ივახშმოთ 19 სთ-ზე გვიან.

45 წლის ზევით
სტრატეგიული გეგმა: დიეტა პირველ რიგში მიმართული უნდა იყოს ჯანმრთელობის შესანარჩუნებლად და დაავადებების პროფილაქტიკისათვის. მშიერი დიეტები ამ ასაკისათვის უკუნაჩვენებია, ვინაიდან იწვევს კალციუმისა და მიკროელემენტების კარგვას.
ვაძლიერებთ დაცვას: გაამდიდრეთ თქვენი მენიუ კალციუმით. ეს საჭიროა არამარტო გულისა და ძვლებისათვის. თანამედროვე კვლევების მონაცემებით, კალციუმი ხელს უწყობს გახდომას, ცხიმების წვას კუნთების მასის კარგვის გარეშე. კალციუმის ყველაზე ფიზიოლოგიური წყაროა მაგ. ლიკოპენი. მას ჭარბად შეიცავს პომიდორი. მაგნიუმის ნაკლებობის (გამოვლინდება შაკიკის, უძილობის და აპათიის სახით) კომპენსირება შეიძლება ნუშის მიღებით: 50-70 გრ დღეში.
ტაქტიკა კარგი აღნაგობის მისაღწევად: ამ ასაკისათვის იდელურად ითვლება მცენარეული საკვებისა და რძის პროდუქტებისაგან შემდგარი რაციონი. შვრიის ფაფა ყოველდღიური მენიუს შენმადგენელი ნაწილი უნდა გახდეს. სასურველი არ არის ცილოვანი დიეტების დაცვა - ეს ტვირთავს თირკმელებს. ნამცხვრების ნაცვლად მიირთვით ნიგოზი და გარგარის ჩირი.
ფარული იარაღი: პაპაიას განტვირთვის დღეები (2კგ რბილობი დღეში), რომელიც ოპტიმალურია ამ ასაკისათვის: ცხიმების აქტიური ხდება წვა კუჭ-ნაწლავის ტრაქტის ფერმენტებით გამდიდრების ფონზე.

ხანდაზმული ასაკი
ხანდაზმულებში მეტაბოლიზმი მკვეთრად ნელდება. 60 წლის ზევით ქალის ორგანიზმს დღიურად მხოლოდ 1500 კკალ ესაჭიროება. კუნთოვანი მასა შეადგენს საერთო მასის მხოლოდ 15%-ს. მაშინაც კი, როდესაც საერთოდ არ მოგიმატებიათ წონაში ბოლო 20 წლის მანძილზე, სერიოზული ცვლილებები გარდაუვალია.
მთავარი პრინციპი კვებაში - ეს არის მინიმუმ ცხიმები (არაუმეტეს 40 გრამისა დღეში), უცხიმო ყველი და ხაჭო, მცენარეული ცილა ხორცის ნაცვლად (ლობიო ან ფეტვი), ოდნავ მოშუშული ბოსტნეული (ნაკლები ცხიმით, მაგრამ არა უმი) კუჭ-ნაწლავისათვის ზედმეტი დატვირთვის თავიდან ასაცილებლად). შვრია და შავი ქლიავი უნდა იყოს მენიუს აუცილებელი შემადგენელი ნაწილი ზრდასრულ ასაკში).
ხანდაზმული ასაკის კიდევ ერთი პრობლემაა - სითხე. ერთის მხრივ, მარილის ჭარბმა მოხმარებამ შეიძლება მოახდინოს სითხის შეკავების პროვოცირება ორგანიზმში, რასაც მოსდევს შეშუპება და ჰიპერტონია. მეორეს მხრივ, მეცნიერებმა დაამტკიცეს, რომ ხანდაზმული ასაკისათვის დამახასიათებელია ორგანიზმში სითხის რაოდენობის დაქვეითება: წყალზე მოდის სხეულის წონის 50%-ზე ნაკლები (მაგ. საშუალო ასაკში წყლის შემცველობა ორგანიზმში შეადგენს 65-70%-ს).
კვების ზოგიერთი სპეციალისტი ურჩევს ხანდაზმულებს, დღეღამეში მიიღონ არანაკლებ 2 ლ წყალი. ექსპერტების უმეტესობა კი იხრება იქითკენ, რომ აუცილებელია, გათვალისწინებული იქნას თითოეული ორგანიზმის ინდივიდუალური თავისებურებები, რათა არ მოხდეს თირკმლის უკმარისობის ან შეშუპების პროვოცირება.

http://medportal.ru

2008.07.21


ადამიანის უფლებები პაციენტთა მზრუნველობის სფეროში
ინტერნეტ მარკეტი
 დიეტები
 კოსმეტოლოგია
  წყალი
  მასაჟი
  სტომატოლოგია
  სქესობრივი ცხოვრება
  დასვენება, ტურიზმი, ჯანმრთელობა
  ბავშვი
  ორსულობა, გინეკოლოგია, რეპროდუქციული ჯანმრთელობა
  კოლოპროქტოლოგია
  შეკრულობა
  უროლოგია
 რა უნდა ვიცოდეთ დიარეის შესახებ
 ჯილეხი
 ეპილეფსია
 ადამიანის გენომი
 ადამიანის რეპროდუქცია
 ალერგია
 არტერიული ჰიპერტენზია
 გრიპი და სხვა რესპირატორული დაავადებები
 ვენების ვარიკოზული დაავადება
 ვირუსული ჰეპატიტი
 ვიტამინები
 იმუნიზაცია და ვაქცინაცია
 კომპიუტერი და ჯანმრთელობა
 მალარია
 ოსტეოპოროზი
 საკვებით და წყლით გადაცემადი ინფექციები
 სქესობრივი გზით გადამდები დაავადებები
 ტკივილი გულის არეში
 ფრინველის გრიპი
 შაქრიანი დიაბეტი
 შიდსი
 ჯანსაღი კბილები
 ჯანსაღი კვება
 ჰიპერჰიდროზი - ჭარბი ოფლიანობა

დააფიქსირეთ თქვენი აზრი ...

მოგწონთ თუ არა ”მედპორტალი”?

   ***  1505 "სამინისტროს ცხელი ხაზი"    ***   2 398018 "შიდსი - ცხელი ხაზი"    ***  2 911926 "ტუბერკულოზის ეროვნული ცენტრის ცხელი ხაზი"    ***  2 103003 "პაციენტის ცხელი ხაზი"    ***  2 103003 "ჯანდაცვის ომბუდსმენი"    ***  2 960505, 2 921000 "ნდობის ტელეფონი"    ***  2 941208 "ნარკოლოგიური დახმარების საკონსულტაციო ცხელი ხაზი"

საავტორო უფლებები დაცულია © პარტნიორები ჯანმრთელობისათვის (PfH) , ჯმნც (NHMC)
თბილისი, 2006