|
|
|
|
სადაზღვევო კომპანია ”ჯიპიაი ჰოლდინგმა” მძღოლი ქალბატონებისთვის აქცია დაიწყო
|
”სადაზღვევო კომპანია ჯიპიაი ჰოლდინგმა ქალბატონებისთვის სპეციალური საგაზაფხულო აქცია დაიწყო. კომპანიამ მძღოლ ქალბატონებს ავტომობილის დაზღვევის ექსკლუზიური პირობები შესთავაზა.
თინათინ სტამბოლიშვილი, სადაზღვევო კომპანია "ჯიპიაი ჰოლდინგის" საზოგადოებასთან ურთიერთობის სამსახურის უფროსი: ”გაზაფხულის პირველ თვეს ორი დღესასწაული ეძღვნება ქალებს. ჩვენც გვინდოდა ერთგვარი სიურპრიზი გაგვეკეთებინა ქალბატონებისთვის და შეგვეთავაზებინა სრულიად განსხვავებული პირობები. მთელი მარტის განმავლობაში მხოლოდ ქალებისთვის გვაქვს განსაკუთრებული ტარიფი - ავტოდაზღვევის სრული პაკეტი 3.5%-ად, ხოლო ნაწილობრივი დაფარვის პაკეტი: 2.5%-ად. ცხადია, აქცია მოიცავს ასევე საჩუქარსაც - ყველა ქალბატონს, რომელიც ავტოდაზღვევას შეიძენს საჩუქრად გადავცემთ ასევე პასუხისმგებლობის პოლისს - 5,000 ლარის ლიმიტით.”
ავტოდაზღვევის ნაწილობრივი დაზღვევის პაკეტი, რომლის ტარიფი წლიური 2.5%-ია, სრულად ანაზღაურებს ავტოსაგზაო შემთხვევით გამოწვეულ ზარალს - მიუხედავად იმისა, თუ ვისი მიზეზით მოხდა ავარია. სრული პაკეტი კი ავტოსაგზაო შემთხვევის გარდა, ასევე დაფარავს შემდეგ რისკებს: ქურდობა, ყაჩაღობა, ბოროტგანზრახული ქმედება, სტიქიური მოვლენები და ხანძარი.
*ავტოდაზღვევის ტარიფი ითვლება დასაზღვევო ავტომობილის საბაზრო ღირებულებიდან და პოლისის წლიურ საფასურს შეადგენს. მაგალითად თუ ავტომობილის ღირებულებაა 7,000$, აქციის ფარგლებში სრული პაკეტი თვეში სულ რაღაც 20$ დაჯდება, ხოლო ნაწილობირვი დაფარვა - $14.5.
პასუხისმგებლობის პოლისი დაფარავს ზარალს, რომელიც დაზღვეული ავტომობილის მიზეზით მოხდა - თუ მაგალითად, ავტომობილი სხვას დაეჯახა, პასუხისმგებლობის პოლისი აუნაზღაურებს დაზარალებულ მხარეს ხარჯებს (მანქანის შეკეთება თუ დაშავებულის მკურნალობა).
თინათინ სტამბოლიშვილი, სადაზღვევო კომპანია ჯიპიაი ჰოლდინგის საზოგადოებასთან ურთიერთობის სამსახურის უფროსი: „მიგვაჩნია, რომ პასუხისმგებლობის დაზღვევა აუცილებელია ყველა ავტომფლობელისთვის - ამ პოლისით დაცული ხარ იმ შემთხვევაში, თუ შენი მიზეზით სხვა ავტომობილი დაზიანდა - დაზარალებულ მხარეს ჩვენ ვუნაზღაურებთ თანხას. ამიტომაც გადავწყვიტეთ ამ აქციის ფარგლებში ქალბატონებისთვის შეგვეთავაზებინა ეს პოლისი საჩუქრად. ვფიქრობთ, რომ ჩვენი სადაზღვევო პაკეტით ქალი მძღოლები უფრო საიმედოდ იგრძნობენ თავს”.
აქცია 1 მარტს დაიწყო და 31 მარტამდე გაგრძელდება.
***
”ჯიპიაი ჰოლდინგი” საქართველსო ავტოდაზღვევის ბაზარზე ერთ-ერთი ლიდერია. გასული წლის მონაცემებით ”ჯიპიაი”-ს წილი ავტოდაზღვევის ბაზარზე 24%-ია. მხოლოდ გასულ წელს 4 მილიონ ლარზე მეტია ანაზღაურებული ამ მიმართულებით.
***
“ჯიპიაი ჰოლდინგის” შესახებ: “ჯიპიაი ჰოლდინგი” დაარსდა 2001 წელს როგორც პირველი კერძო საპენსიო ფონდი საქართველოში. კომპანიის პრიორიტეტია ქვეყანაში სოციალური დაზღვევის განვითარება. უკვე რამდენიმე წელია დაზღვევის ამ სახეობებში, კერძოდ, საპენსიო და ჯანმრთელობის დაზღვევაში, “ჯიპიაი ჰოლდინგი” ბაზარზე ლიდერის პოზიციას ინარჩუნებს. “ჯიპიაი ჰოლდინგი” ევროპის ერთ-ერთი უმსხვილესი სადაზღვევო კომპანიის – “ვენის სადაზღვევო ჯგუფის” შვილობილი კომპანიაა.
“ვენის სადაზღვევო ჯგუფის” შესახებ: “ვენის სადაზღვევო ჯგუფი” შეიქმნა 1824 წელს. 90-იანი წლების დასაწყისიდან კომპანია გლობალური ხდება და აქტიურ მუშაობას იწყებს როგორც დასავლეთ, ასევე აღმოსავლეთ ევროპაში. დღეს ამ ჯგუფის წევრი 50 კომპანიაა ევროპის 23 ქვეყანაში. “ვენის სადაზღვევო ჯგუფი” ერთ-ერთი უმსხვილესია ევროპაში, რეიტინგით A+ (Standard&Poors). 2009 წლის მონაცემებით კომპანიის წლიური შემოსავალი 8 მილიარდ ევროზე მეტია. დამატებითი ინფორმაცია იხილეთ ვებ გვერდზე: www.vig.com
“ჯიპაი ჰოლდინგის” საზოგადოებასთან ურთიერთობის სამსახური
2011.03.01
|
|
|
|
|
|
|
|
