მედპორტალი



წიგნი “ქალი მუდამ ჯანმრთელი და ახალგაზრდა”
საქართველოს ექიმ ქალთა ასოციაციის თაოსნობით გამოიცა წიგნი “ქალი მუდამ ჯანმრთელი და ახალგაზრდა”. წიგნი ეძღვნება ქალთა ჯანმრთელობის საკითხებს. მასში განთავსებულია 40 სტატია, რომლებშიც აღწერილია ქალთა უხშირესი დაავადებები, მათი გამომწვევი მიზეზები და პრევენციის გზები. კერძოდ, წიგნში მოყვანილია სტატიები ქალის ცხოვრების სხვადასხვა პერიოდებში (სქესობრივი მომწიფება, ორსულობა, კლიმაქტერიული პერიოდი) მიმდინარე ფიზიოლოგიური ცვლილებების და იმ დაავადებების შესახებ, რომლებიც ამ პერიოდებს ახასიათებს. მოყვანილია რჩევები ორსულთათვის და კლიმაქტერიულ პერიოდში მყოფი ქალბატონებისთვის. აღწერილია ქალთა ისეთი უხშირესი დაავადებები და მათი პრევენცია, როგორიც არის ოსტეოპოროზი, ოსტეოართროზი, ქვედა კიდურების ვენების უკმარისობა, ანემიები, ჩიყვი, შაქრიანი დიაბეტი, სიმსუქნე, ალერგია, ალცჰეიმერის დაავადება, კუჭნაწლავის, გულსისხლძარღვთა დაავადებები, ქალთა ავთვისებიანი სიმსივნეები და მათი პრევენციის გზები, რაციონალური კვების საფუძვლები. მოყვანილია ოფტალმოლოგის, სტომატოლოგის, დერმატოლოგის რჩევები. აღსანიშნავია, რომ ეს პირველი წიგნია ქართულ ენაზე, რომელშიც გაშუქებულია ქალთა დაავადებების და მათი პრევენციის ესოდენ ფართო სპექტრი. სტატიების ავტორები არიან ცნობილი ქართველი ექიმი ქალები. წიგნი განკუთვნილია მკითხველთა ფართო წრისათვის და მოიაზრება როგორც ქართველი ექიმი ქალების საჩუქარი ქართველ ქალბატონებს. ის შესაძლოა მოვიაზროთ როგორც სამაგიდო წიგნი ყველა ქალბატონისთვის. წიგნების ნაწილი საჩუქრად გადაეცემა სამაჩაბლოდან და აფხაზეთიდან დევნილ და სოციალურად დაუცველ ქალბატონებს. წიგნის შეძენა შეიძლება წიგნების მაღაზიებში “პარნასი”, “სანტა ესპერანტა“, “ლიტერატურული კაფე”. საქართველოს ექიმ ქალთა ასოციაცია 2010.12.21



* 1505 "სამინისტროს ცხელი ხაზი" * 2 398018 "შიდსი - ცხელი ხაზი" * 2 911926 "ტუბერკულოზის ეროვნული ცენტრის ცხელი ხაზი" * 2 103003 "პაციენტის ცხელი ხაზი" * 2 103003 "ჯანდაცვის ომბუდსმენი" * 2 960505, 2 921000 "ნდობის ტელეფონი" *** 2 941208 "ნარკოლოგიური დახმარების საკონსულტაციო ცხელი ხაზი"